|
Post by 61cm on Oct 10, 2007 20:31:22 GMT 8
Jennylyn Mercado is Jacky Woo's leading lady in "Manila-West Side Story" as her career rides high
Nitz Miralles Wednesday, October 10, 2007
Clueless ang young actress na si Jennylyn Mercado sa Chinese-Japanese actor na si Jacky Woo na magiging leading man niya sa kanyang second indie film, tentatively titled Manila-West Side Story. Tinanong pa nga ni Jennylyn ang PEP (Philippine Entertainment Portal) ng ilang details about the actor. Sinabi namin sa kanya na si Jacky ay lumabas na sa mga Tagalog films gaya ng Alab ng Lahi with Robin Padilla, Panaghoy sa Suba with Cesar Montano, and Ispiritista with Vic Sotto.
Sa story conference ng Manila-West Side Story, produced by Forward Group Inc., sa Dulcinea restaurant, Q.C. kahapon, October 9, nakausap ng PEP si Jennylyn at cute ang pagka-clueless nito sa identity ng kapareha. Nakatingin lang ito sa Chinese-Japanese actor habang nagsasalita in his broken Tagalog, pero excited na raw siyang makatrabaho ito.
Ten days tatapusin ni Jacky ang pelikula na siya rin ang direktor. Bigla niyang ipina-revise ang script nang malamang kumakanta rin si Jennylyn. Action-musical kasi ang pelikula at parang kulang kung hindi raw kakanta ang young actress-singer.
Busy na naman si Jennylyn sa dami ng trabaho sa movies at TV. Tapos na niya ang Nars, her first indie film, at tinatapos na rin niya ang Resiklo, entry ng Imus Productions sa 2007 Metro Manila Film Festival.
Balik-TV naman siya sa soap opera ng GMA-7 na La Vendetta, also starring Sunshine Dizon and Jean Garcia, na sa Friday (October 12) na ang simula ng taping. Balik-tambalan din ito nina Jennylyn at Mark Herras, na magkapareha rin sa Joaquin Burdado ni Robin Padilla. Naka-schedule naman ang story conference ng Joaquin Burdado sa October 18.
One month ding magge-guest si Jennylyn sa Bubble Gang. Hindi lang nasagot ni Jennylyn ang aming tanong kung kailan siya babalik sa SOP.
Ano ang feeling ni Jennylyn na busy uli siya sa TV?
"Kabado, sobra!" sagot ng young actress. "Sa first taping day nga namin ni Mark ng Magpakailanman, kinabahan ako, parang nakalimutan ko na ang umarte. Sa first scene namin ni Mark, nailang pa ako. Parang nahirapan akong bumalik, pero dahil si Mark ang kasama ko, mabilis akong naging comfortable. Dumaan ang time na inisip kong tapos na ang career ko dahil sa mga nangyari, thankful ako dahil hindi naman pala."
Nasa story conference ng Manila-West Side Story ang manager ni Jennylyn na si Becky Aguila. Sinubukan ng PEP na tanungin si Jennylyn sa nabalitang gap nila ng manager, pero ayaw nitong magsalita noong una.
Later on ay nagbigay na rin ng pahayag si Jennylyn kahit maiksi lang.
"Hindi kami nagkasamaan ng loob. Hindi ko rin sinabing booking agent ko na lang siya. Hindi ko talaga alam ang sinasabing gap namin," wika nito.
Tinanong din si Jennylyn kung ang presence ni Becky sa story conference ay para patunayan sa kanyang hindi siya pinababayaan nito. Ang one-liner na sagot ng singer-actress ay "ngayon lang."
Napag-usapan din namin ang kontrata niya sa GMA-7. Ang sabi ni Jennylyn, hanggang February next year na lang ang kontrata niya, kabaligtaran sa alam ng PEP na up to 2009 pa siya exclusive sa Kapuso network.
"May extension for two years ang contract ko at desisyon ng GMA kung gusto nilang i-extend ang contract ko. Sa akin, okay kung i-extend nila ang contract ko," sabi niya.
Kasunod nito, ibinalita ni Jennylyn na malapit nang matapos ang third album niya sa GMA Records, to be released either December or January next year. Wala pang title ang 12-track album na karamihan ng tracks ay covers, kasama na ang "How Do I Live" na original ni Trisha Yearwood at binigyan nila ng bagong areglo ni Janno Gibbs na ka-duet niya sa song. May remake din siya ng "Someone's Always Saying Goodbye" at isang kanta ni George Benson.
|
|
|
Post by 61cm on Oct 10, 2007 20:38:21 GMT 8
Becky Aguila on Jennylyn Mercado: "Hindi ko siya pinababayaan."
Nitz Miralles
Wednesday, October 10, 2007 05:51 PM
Sa story conference ng indie movie na Manila-West Side Story kahapon, October 9, sa Dulcinea restaurant sa Quezon City, ay nakausap din ng PEP (Philippine Entertainment Portal) ang manager ni Jennylyn Mercado na si Becky Aguila. Sinabi nitong talent pa rin niya ang singer-actress na bida sa naturang pelikula with Jacky Woo.
"Manager pa rin ako ni Jennylyn at hindi booking agent," diin ni Becky. "Walang problema sa aming dalawa at natural reaction kung magtampo siya. But I'm doing my job para hanapan siya ng trabaho outside of GMA. Ako ang nagbigay sa kanya ng Manila-West Side Story.
"Hindi ko siya pinababayaan. I'm very supportive of her. We're not going to touch money matters here... Naaawa ako sa kanya. Saan ba galing ang isyung may P1.5 million siyang utang sa akin?"
Matatandaang naglabas ng kanyang sama ng loob si Jennylyn sa taped interview niya sa The Buzz noong September 30. Ayon sa young actress ay naapektuhan ang kanyang career sa alitang namagitan kay Becky at sa GMA-7 bunsod ng paglipat ni Angel Locsin sa ABS-CBN.
"Sino ba naman ang di maiiyak, di ba? The feeling na na-abandoned ka and everything. Kasi na-freeze na nga ako at naapektuhan ako tungkol sa ginawa nila. Sino ba naman ang hindi sasama ang loob, di ba?" pahayag ni Jennylyn.
Pero pinabulaanan naman ni Becky na pinabayaan niya si Jennylyn. Sa interview naman nito sa Entertainment Live noong October 6, sinabi ni Becky na, "I did my part as a manager. And also as a second mother to her, I lifted her spirit and I told her, ‘Hindi kita pababayaan because nga may ganyang problema.' And hindi ko magawa yung function ko as a manager sa network...I mean for Jennylyn. So I got her several projects outside [GMA Network]."
Dagdag pa niya, "Jennylyn will always be my alaga. It will always be for her upliftment and kung anuman yung para sa best interest niya, kung kailangan munang mag-sacrifice, tanggap ko 'yan. Anything that would do her good. Jennylyn is really very special. Mahal na mahal ko si Jen."
Samantala, ibinalita ni Becky sa PEP na may concert si Jennylyn sa Zirkoh sa November 24. Guests ni Jennylyn sina Janno Gibbs, Jay-R Siaboc, Valerie Concepcion, at Nyoy Volante. Ayon pa kay Becky, raw totoong puro ABS-CBN stars ang inilagay niyang guests sa concert ni Jennylyn dahil sina Jay-R at Valerie lang daw ang taga-Dos.
|
|
|
Post by 61cm on Oct 11, 2007 0:27:23 GMT 8
Jennylyn, masaya para kina Mark at Lian
Hindi naman siguro mao-offend si Mark Herras kapag nalaman niyang hindi kilala ng ex-girlfriend niyang si Jennylyn Mercado ang bago niyang nobya na si Lian Paz ng EB Babes.
In fairness ay walang bahid ng pagtataray ang pagkakasabi sa amin ni Jennylyn na hindi niya kilala si Lian, sa storycon ng musical movie na Manila-West Side Story kamakalawa nang gabi.
Ayon kay Jen, natutuwa siya na umamin na sina Mark at Lian sa relasyon nila. Noon pa kasi usap-usapan ang pagiging magsyota ng dalawa pero kamakailan lang nila ito hayagang kinumpirma.
"Happy ako for them. Kasi, at least ngayon, wala na silang itinatago, di ba? Kahit na makita sila sa labas together, okey lang," sey ng dalaga.
Alam ni Jen na si Lian ang bagong nobya ni Mark pero wala raw siyang idea kung anong itsura ng nasabing dancer.
"Hindi ko pa kasi siya nakikita, eh! Hindi ko rin siya namumukhaan. Never ko pa talaga siyang nakita," pakli niya.
Kahit sa TV, never niyang napanood si Lian?
"Hindi talaga, hindi pa. Kaya nga siguro, kahit makasalubong ko siya, hindi ko siya mamumukhaan.
"Hindi ko talaga siya kilala. Naggi-guest ako sa Eat Bulaga (na mainstay ang EB Babes) pero hindi ko pa siya nakikita.
"Siguro, nagkakasalubong kami, pero hindi ko siya nababati. Kung kilala ko siya, babatiin ko siya. Bakit naman hindi? Hindi rin kasi ako nakakapanood ng TV, eh! So, hindi ko talaga alam ‘yung mukha niya," eksplika ni Jen.
Aniya, walang magiging problema sakaling magsalubong ang landas nila ni Lian dahil siya rin ay masaya na sa piling ng nobyo niyang si Patrick Garcia.
"Oo naman, ang tagal na naming wala ni Mark, di ba? Naka-move on na kami pareho. At saka kaibigan ko naman si Mark at lahat ng naging ano (GF) niya, friends ko naman."
Anong tip ang maibibigay niya kay Lian regarding Mark?
"Nako, patience! Mahabang pasensya!" natatawang bulalas ng dalaga.
"Kasi, medyo makulit ‘yon (Mark), eh! Pero hindi naman negative. Basta, habaan niya (Lian) lang ‘yung patience niya at saka alagaan nila ang isa’t isa."
Tapos na ni Jen ang indie film na Nars na ginawa nila sa loob nang 7 straight days.
Bukas (Biyernes) ang first taping day niya para sa bago niyang show sa GMA na La Vendetta kasama sina Sunshine Dizon at Jean Garcia.
"Thankful ako sa GMA na hindi nila ako pinabayaan. Excited ako sa mga gagawin ko ulit na projects. Kumbaga, naghintay man ako nang matagal, worth it naman po ‘yung kinalabasan," may ngiting sambit ni Jennylyn.
*** Abante Tonite Allan Diones Oct. 11, 2007
|
|
|
Post by 61cm on Oct 11, 2007 0:31:19 GMT 8
Jennylyn, naiipit sa manager at GMA 7 Thursday, October 11, 2007
Hindi namin alam kung maysakit na naman si Jennylyn Mercado sa ginanap na storycon ng bago niyang Indie Film na Manila-West Side Story kasama sina Jacky Woo, Paolo Paraiso at iba pa dahil wala na naman itong matinong sagot sa mga tanong ng press.
Bagama’t nakangiti ang dalaga habang ini-interview ng entertainment press at TV reporters ay parang hindi naman niya nasasagot ng matino ang isyung may tampo siya sa kanyang manager na si Becky Aguila.
Lumabas kasi sa ibang pahayagan na may tampo ang aktres sa manager niya dahil hindi raw siya naaasikaso simula nu’ng lumipat sa ABS-CBN si Angel Locsin dahil doon na raw nakatutok ang nasabing manager.
Kaya’t nang tanungin namin ng harapan si Jennylyn katabi ang manager niyang si tita Becky ay panay ang iling nito at iba ang facial expression.
“Wala naman po akong nakakausap na reporter kaya hindi ko alam ‘yung nasulat,” diin ng dalaga.
Anyway, may nagtsika naman sa amin na pressured daw si Jennylyn ngayon dahil iniipit siya ng GMA management na bitawan na ang manager niyang si tita Becky para mas gumandang lalo ang career niya.
Nabanggit din sa amin ng taga-Artist Center mismo, “Iniipit kasi si Jen ni (name ng bossing) na lumayo sa manager niya, huwag makipag-mabutihan at ipakitang hindi siya pinapansin para magkaroon ng dahilan na iwan niya.” – REGGEE BONOAN
|
|
|
Post by 61cm on Oct 11, 2007 0:39:17 GMT 8
People's Taliba October 11, 2007 By: Dinno Erece
THE good thing is busy na ulit si Jennylyn Mercado.
Ayaw na naming basahin ang mga subtle words and actions ni Jennylyn during the story conference ng second independent movie niya na Manila �" West Side Story produced, directed and co-starring with Jacky Woo.
Ang mahalaga, she’s working again both in the movies and in TV. Super confused kasi kami ngayon kay Jennylyn, parang may gustong sabihin.
Anyways, napakabilis ng pangyayari sa pagbabalik pelikula ni Jackie, ha. Tuesday, story conference na kahit wala kaming na-ririnig na prior announcement about this at Wednesday, first shooting day na agad.
Maraming artista ang involved dito like Gabby Eigenmann and Paolo Paraiso and a lot of Japanese actors. Take note, this is not an action movie, musical ito.
Yes, kakanta si Jennylyn at si Jackie.
|
|
|
Post by 61cm on Oct 11, 2007 0:41:57 GMT 8
Jen, walang muwang sa gap nila ni Becky By: Nitz Miralles
Sa storycon ng Manila-West Side Story lang nagkita sina Jennylyn Mercado at Jacky Woo. Cute ang pagka-clueless ng dalawa sa isa’t isa. Hindi kilala ng actress ang Japanese-Chinese actor, na ’di rin alam na singer ang dalaga. Kaya, ire-revise ang script at pakakantahin si Jen. Kahapon nag-start ang shooting ng Forward Group to be directed by Jacky din. Maraming Japanese actors na kasama, gaya ni Yusuke Natsuki at kasama rin sina Paolo Paraiso, Mike Chan at Gabby Eigenmann. Ipalalabas din ang movie sa Japan. Second indie film ito ni Jennylyn, na bumabawi sa rami ng projects sa TV at movies. Medyo nahihilo nga ito sa kanyang schedule dahil nagsimula na ang taping ng La Vendetta at kasama rin sila ni Mark Herras sa Joaquin Bordado na October 18 na ang storycon at one month siyang guest sa Bubble Gang. Ayaw nang pag-usapan ni Jennylyn ang isyu sa kanila ng manager niyang si Becky Aguila. Hinawakan nito ang braso namin para hindi na kami magtanong pa, pero sabi, noon lang uli sila nagkita, kaiba sa nabanggit sa aming nagkita sila the day before. Wala rin daw siyang sinabing booking agent na lang ang manager at ’di niya alam kung may gap sila. People's Tonight
|
|
|
Post by 61cm on Oct 12, 2007 1:32:32 GMT 8
Isa sa mga exclusive na kuwento ng Startalk ay ang interview kay Jennylyn Mercado, kung saan sinagot nito ang kalagayan ng relasyon nila ng manager niyang si Becky Aguila.
Narito ang ilang bahagi ng interview sa young actress na ipinagngingitngit daw ni Becky Aguila.
Startalk: Okay nga ba kayo ni Becky Aguila or may conflict talaga?
Jennylyn: Okay lang.
Startalk: Anong ibig mong sabihin ng okay lang?
Jennylyn: Okay lang po.
Startalk: As what?
Jennylyn: Manager ko pa rin siya.
Startalk: Pero hindi na ba kagaya ng dati?
Jennylyn: Syempre, marami po siyang inaasikaso, busy po siya sa kabila.
Startalk: So, ang focus na ba niya ngayon, kay Angel (Locsin) and ibang artista niya sa kabila?
Jennylyn: Hindi naman po, kasi po, pati siya nag-aartista na yata hahahaha! Hindi ko po alam, napanood ko, guest siya nu’ng kelan ba iyun?
Meron pang sagot si Jennylyn tungkol sa loyalty niya sa GMA 7 at sa kanyang manager, at ang isyung utang na kailangan niyang linawin.
Abante Tonite October 12, 2007 by: Abu Tilamsik
|
|
|
Post by 61cm on Oct 12, 2007 1:38:44 GMT 8
Showbiz Da who si Jennylyn kay Jacky Woo! Friday, October 12, 2007
Nasa bansang muli ang Japanese producer/actor/singer/composer/writer at kung anu-ano pa na si Jacky Woo, muli ay gagawa ito ng isang movie na hindi lang siya ang aktor kundi siya pa rin ang producer at director. Ito ang Manila, Westside Story sa ilalim ng kanyang kumpanyang Forward Group. Makakatambal niya si Jennylyn Mercado.
Nakatutuwa na nung presscon lamang ng kanyang pelikula niya nakilala si Jennylyn. Hindi niya alam na isang mahusay din itong singer kaya wala itong singing part sa pelikula na isang musical at tungkol din sa racial discrimination, parang American Westside Story.
When he was informed of Jennylyn’s musical talent ay saka lamang ito nagsabing babaguhin niya ang script to accommodate Jennylyn’s singing.
May kasamang Japanese dance group si Jacky Woo na hindi naman nakunan ng photo dahil bawal daw lapitan. Mananagot siya sa Japan entertainment kapag sumira siya sa kanilang kasunduan na pag-iingatan niya ang mga nasabing girls. – VRS
|
|
|
Post by laominzi on Oct 13, 2007 9:28:09 GMT 8
Talent manager shares views on Angel Locsin and Jennylyn Mercado
Rommel Gonzales
Saturday, October 13, 2007 12:35 AM
Rating
Nakausap ng PEP (Philippine Entertainment Portal) ang talent manager na si Becky Aguila sa isang restaurant sa loob ng ABS-CBN compound last Thursday, October 11.
Kinumusta namin sa kontrobersiyal na manager ang kanyang alaga na equally controversial, si Angel Locsin.
"She's doing very, very good," sagot ni Becky.
Ngayong nasa bakuran na ng ABS-CBN si Angel, sino ba ang mas gusto ni Becky na maging kapareha ng alaga, si Piolo Pascual ba or si Sam Milby? Bago pa kasi lumipat si Angel sa ABS-CBN, very vocal sa pagsasabi noon sina Piolo at Sam na dream nilang makapareha si Angel.
"Magkasama sila ni Piolo sa soap, and they look good together," ani Becky. "Cute din sila together ni Sam. Kahit sino ang ipareha kay Angel, okay sa akin. Si Angel naman, she can stand on her own, kahit kanino siya i-partner.
"Kahit kanino, kahit kay Richard [Gutierrez], kay Piolo, kay Sam, kahit kanino. Mas gusto nga ni Angel na hindi siya nakatali sa isang leading man lang. Mas gusto niya at mas gusto ko rin na lahat ng possible leading men, mai-partner sa kanya which will be very good for her career," sabi niya.
ANGEL VS. KC. Agad inihilera si Angel sa mga prinsesa ng Kapamilya network nang lumipat ito sa Dos mula sa GMA 7; binigyan agad si Angel ng special treatment. Pero base sa obserbasyon ng marami, tila naudlot ang special attention na ibinigay ng Dos kay Angel dahil sa pagpasok ng isa pang prinsesa sa Dos—si KC Concepcion.
Hindi kaya nagkaroon ng insecurity sa katawan si Angel dahil sa pag-arangkada pa nang husto ng popularidad ng panganay na anak na babae ng Megastar na si Sharon Cuneta?
"You know, there is really no point of comparison between Angel and KC. Si Angel kasi, she started from nothing, she started from scratch, she started from being a nobody. Na dati, para siyang ano...kumbaga, alipin; na dahil sa sipag niya at tiyaga, naging prinsesa.
"Si KC naman is already a princess, we all know that. Even Angel likes her so much. And si KC, she also likes Angel dahil nagsimula nga sa wala. And the point is, hindi dapat ma-threaten ang kahit na sino kay Angel, the same way na hindi nate-threaten si Angel kahit kanino... Angel Locsin na siya," diin ni Becky.
Pinabulaanan muli ng talent manager ang usap-uspaan na lifetime ang contract sa kanya ni Angel. There is no such thing daw as a lifetime contract.
Pero ayaw i-divulge ni Becky ang mga detalye at terms ng kontrata sa kanya ni Angel. Basta sinabi nitong two years ang existing contract ni Angel. Hindi niya sinagot kung kailan ito nagsimula at kung kailan matatapos.
ISSUE WITH JENNYLYN. Kinumusta rin namin kay Becky ang isa pa niyang alaga na si Jennylyn Mercado.
"I'm happy that she has a new project with GMA," simpleng pahayag ni Becky, na ang tinutukoy ay ang bagong soap opera ng GMA-7 na La Vendetta.
Ayon sa talent manager, napag-usapan rin nila ni Jennylyn ang diumano'y tampo sa kanya ng young actress.
"Akala lang niya ‘yon. Akala lang niya na concentrated lang ako kay Angel," paglilinaw ni Becky. "Hindi naman masisisi si Jennylyn dahil naipit siya sa mga nangyari. Naiintindihan ko siya, basta ang importante sa akin ay may project ang bata.
"Normal lang para sa akin kapag nagkakatampuhan kami. Para ko na siyang anak, at normal lang sa mag-ina ang nagkakaroon ng tampuhan paminsan-minsan."
Ayon pa kay Becky, hanggang pagtulog niya ay ang career at welfare ni Jennylyn ang nasa utak niya. Never niya raw itong iniwanan at never niyang pababayaan, kahit kailan.
|
|
|
Post by laominzi on Oct 13, 2007 9:55:05 GMT 8
Pagdating sa projects ni Jen sa Siyete… sila-sila lang ang nag-uusap – Becky By: Gerry Ocampo Hot Shots
KAMAKALAWA, napasama uli kaming maglaro sa bagong game ng Wowowee ng ABS-CBN. Pero tulad ng dati, ’di kami sinuwerteng mapasama sa final round.
Pagbaba namin ng compound ng Dos, nakasalubong namin ang talent manager na si Becky Aguila at niyaya niya kaming mag-merienda.
Inungkat namin sa manager ni Angel Locsin ang tsikang pinababayaan na niya ang showbiz career ni Jennylyn Mercado.
“No! that’s not true. Mula nang umalis si Angel sa GMA-7, hindi ko tinalikuran ang responsibilidad ko as Jen’s manager. ’Yung nangyari sa amin ni Jen, tampuhan lang ng anak at ina,” paliwanag niya.
“Hindi niya ako nakikitang nagpupunta sa Siyete dahil … you know naman siguro. Pero kahit na hindi ako nagpupunta roon, gumagawa naman ako ng paraan para maikuha siya ng projects. Eto nga, tatlong movies ang ginagawa niya ngayon.
“Masaya rin ako sa ginagawa ng GMA Artist Center kay Jen. Thankful ako’t hindi nila pinababayaan ang career ng alaga ko. ’Yun nga lang, sila-sila na lang ang nag-uusap pagdating sa projects ni Jen sa Siyete which I don’t mind as long as hindi nila pababayaan ang career ni Jen,” patuloy pa ni Becky.
Tungkol naman sa sinasabing lifetime contract sa kanya ni Angel, muling pinagdiinan ng manager na wala itong katotohanan.
“There’s no such thing as a lifetime contract between me, Angel or even Jen. May existing contract sila, pero ’di ko na kailangang sabihin,” say pa ni Becky.
Bago kami nagpaalam sa kanya, naikuwento rin niyang magbabalik-showbiz ang young actor na si Chubi del Rosario at siya ang magma-manage sa career nito.
Si Chubi ang dating leading man ni Anne Curtis sa Viva.
|
|