|
Post by laominzi on Nov 2, 2007 11:39:10 GMT 8
Hindi minasama ni Jennylyn ‘yung reaksyon kamakailan ni Angel Locsin tungkol sa isyung ‘nadamay’ si Jen sa ‘paglayas’ ni Angel sa bakuran ng GMA.
Nilinaw ni Jen na never siyang nagsalita ng anumang kasiraan tungkol kay Angel at hindi niya ito sinisisi sa anumang nangyari sa kanya sa Siyete.
"Wala po akong sama ng loob sa kanya, kasi never ko namang nabanggit, never kong sinabi, never lumabas sa bibig ko na si Angel ang may kasalanan," seryosong pakli ni Jen.
"Hindi ko po nasabi ‘yon. Hindi ko po siya sinisisi, wala akong sinasabing gano’n. Kung may lumabas pong gano’n, siguro sa iba nanggaling o tsismis lang o isyu. Kilala naman po ako ni Angel, alam niya na hindi ko siya sisiraan."
Pero let’s face it, kaya siya ‘nagkaproblema’ sa GMA ay dahil pareho sila ng manager ni Angel at hindi niya maikakailang naapektuhan siya ng paglipat na ‘yon ni Angel sa kabilang istasyon.
"Yes, pero mahirap manisi, eh! Kumbaga, hahayaan ko na lang po ‘yung mga tao na mag-judge kung ano po ‘yung dahilan kaya nangyari ‘yon sa akin.
"Ayoko pong magsalita. Alam ko namang naiintindihan ‘yon ng mga taong nakakita kung bakit nangyari ang mga ‘yon sa akin. Kung bakit gano’n, bakit ganyan?
"Basta, wala po akong ginagawang kasalanan, wala akong ginagawang mali, para mag-isip ng kung anu-ano. Mahirap lang pong maipit ulit. ‘Yun lang," makahulugang pahayag ng dalaga.
Ang ‘payo’ sa kanya ni Angel ay alagaan niya ang sarili niya at i-prove niya ang kanyang worth.
"Thankful po ako sa payo niyang ‘yon dahil kumbaga, ‘yun ang dapat gawin talaga. Kailangang ma-prove mo ang sarili mo," kaswal na dayalog niya.
Friends ba talaga sila ni Angel? Aminado kasi si Angel na hindi sila textmates at hindi sila close…
"Magkaibigan kami. Hindi naman kami magkaaway, kaya magkaibigan kami."
Nabanggit ni Jen na mas close sila ni Valerie Concepcion dahil kumare niya si Valerie at inaanak niya ang anak nito.
Naapektuhan ba ang anumang friendship na meron sila ni Angel dahil sa mga isyung ito?
"Never pong mangyayari ‘yon dahil sabi nga ni Angel, wala siyang kinalaman at wala akong sinabing may kinalaman siya sa nangyari sa akin."
Nakapagdayalog din si Angel na kung kailangan ni Jen ng tulong ay handa siya nitong tulungan.
Sa tingin niya ba ay kakailanganin niya ang tulong ni Angel?
"Hindi ko po alam. Hindi naman siguro…"
May mga nagsasabing ‘threat’ na raw ngayon si Jen sa career ni Angel…
"Meron naman po kaming kanya-kanyang talent, character at personality. So, ayoko pong mag-compare at ayokong makipag-compete," sambit pa ni Jen.
|
|
|
Post by laominzi on Nov 2, 2007 11:41:06 GMT 8
May nagtsika sa aming parehong nasa Boracay sina Sunshine Dizon at Jennylyn Mercado, gumaganap na magkapatid sa La Vendetta.
Wednesday umalis ang una kasama si Jojo Manlongat at common friends nila, hindi namin alam kung kailan umalis at kung sino ang kasama ni Jennylyn (Si Patrick Garcia. �" IFF).
Si Jean Garcia, kahit gustong umalis ng Metro Manila ay ’di puwede’t may travel ban siya sa kanyang manager after the Surigao incident. Sabi naman nito, mas mag-i-enjoy siya kung nasa bahay lang kasama ang mga anak.
|
|
|
Post by laominzi on Nov 2, 2007 12:12:24 GMT 8
Jennylyn Mercado won’t renew contract with Becky Aguila Ruel Mendoza Friday, November 2, 2007 09:30 AM The first StarStruck Ultimate Female Survivor is happy that her career is back on its right track. After La Vendetta, she is set to do two more projects on television. Noel Orsal * * * Nakuha ng PEP (Philippine Entertainment Portal) mula sa isang reliable source na hindi na raw magre-renew ng kontrata si Jennylyn Mercado sa kanyang manager na si Becky Aguila. ‘Di tulad ng daw sa kontrata ni Angel Locsin, wala raw option to renew ang kontrata ni Jennylyn, na mag-i-expire this early 2008, sa management ni Becky. Sa interview namin kay Jennylyn sa set ng La Vendetta sa San Fernando, Pampanga, looking forward na raw si Jen sa pag-expire ng kanyang contract with Becky. Naging vocal naman daw si Jen na may mga hindi siya nagustuhan sa takbo ng kanyang career, partikular na ang pagkadamay daw niya sa paglipat ni Angel sa ABS-CBN 2. "Inaayos na po namin," ngiti ni Jen. "Hindi ko ikukuwento pero mas magiging maayos na ang lahat next year." Ilang beses ngang sinabi ni Jen na ang loyalty niya ay sa GMA-7 dahil despite of what happened ay nakita niya ang pagmamahal ng mother TV station niya sa kanya. Bukod sa La Vendetta, kasama rin si Jen sa Joaquin Burdado na katatampukan ni Robin Padilla. Magkakaroon pa siya ng isa pang bagong show with her love team partner na si Mark Herras. "Sa akin naman na direktang nakikipag-usap ang GMA-7 at hindi na kay Tita Becky. Para walang problema at hindi ako naiipit, sa akin or kay Mama (Lydia Mercado) na lang sila nakikipag-usap. Tulad ngayon, maayos ang nangyayari sa career ko at hindi na ako floating tulad dati," kwento ng unang Starstruck Ultimate Survivor. Dagdag pa ng aming source ay inihahanda na ang exclusive contract ni Jennylyn sa GMA Artist Center once na matapos na ang kontrata nito kay Becky Aguila.
|
|
|
Post by laominzi on Nov 3, 2007 13:54:54 GMT 8
MAHIRAP ang mamangka sa dalawang ilog. Sa nakikita namin, hindi pa rin magiging matatag ang career ni Jennelyn Mercado kahit na nga binibigyan na siya ulit ng mga shows ng Channel 7, dahil hindi pa rin naman nakikipag-deal ang kanilang network sa kanyang manager.
Papaanong magiging maayos ang takbo ng kanyang career kung hindi nagkakasundo ang network kung saan siya nakatali at ang kanyang manager?
Sa katagalan, ano ang mangyayari? Patatapusin lang ba niya ang kontrata niya sa network at lilipat din siya na kagaya ng ginawa ni Angel Locsin?
O baka naman ang ending ay patatapusin lang niya ang kontrata niya sa kanyang manager tapos ay pipirma siya sa network?
Ganoon lang ang puwedeng mangyari dahil sa tingin namin ay malabo nang magkasundo ang manager niya at ang network.
Kung hindi matututo agad si Jennelyn, sa ending siya pa rin ang maiipit.
|
|
|
Post by 61cm on Nov 29, 2007 13:50:05 GMT 8
Jennylyn Mercado not closing her doors to ABS-CBN Nora Calderon Thursday, November 29, 2007 09:28 AM
Isang very slim na Jennylyn Mercado ang dumalo sa presscon ng Resiklo—the official entry of Imus Productions for 2007 Metro Manila Film Festival—kahapon, November 28, sa Annabel's restaurant sa Tomas Morato, Quezon City. Jen plays the love interest of Bong Revilla sa futuristic movie na ginawa para sa mga bata, sa direksiyon ni Mark Reyes.
Kumusta naman working with Bong na first time niyang nakatrabaho?
"I'm honored and flattered nang malaman ko pong ako ang napili ni Senator Bong na makatambal niya," sagot ni Jen. "Masaya siyang katrabaho. Akala ko nga seryoso siya dahil isa siyang senador. Pero kapag nasa set siya, palabiro pala siya at hindi niya ipinakikitang mataas siya kesa amin. Nagbibiro siya at alaga niya ang buong cast at staff. Lagi kaming busog sa set dahil madalas siyang nagtatanong kung ano ang gusto naming kainin, ipabibili raw niya.
"Kaya po nagpapasalamat ako sa kanya sa pagkakataong ibinigay niya sa akin para makatrabaho siya at makasama rin ang ibang taga-ABS-CBN, tulad po nina TJ Trinidad, Michelle Madrigal, at si Empress Schuck. Although si Empress po, nakatrabaho ko na siya sa GMA-7 noong nandoon pa siya at iisa ang manager namin [Becky Aguila]."
Tinanong namin si Jennylyn tungkol sa mga intrigang kinasasangkutan niya, gaya ng ipinagpalit diumano niya ang Bahay Kubo sa Resiklo. Ayon kasi sa lumabas na balita ay kasama dapat si Jennylyn sa Bahay Kubo ng Regal Entertainment, pero mas pinili nga niya ang movie with Bong.
"Ang alam ko po, mas unang nag-offer ang Resiklo na tinanggap naman ng manager ko. Kasabay ko rin pong ginawa noon ang dalawang indie films—ang Nars at Manila West Side Story," paliwanag ng young actress.
Tinanggihan din ni Jennylyn ang isang primetime show sa GMA-7 na pagsasamahan sana nila ng ka-loveteam niya na si Mark Herras, ang Joaquin Burdado ni Robin Padilla. Ayaw ba niyang makasama si Robin o totoo ang balitang tumanggi siya dahil mas malaki ang role ni Cristine Reyes na isa sa magiging love interest ni Robin sa naturang palabas?
"Hindi po," tanggi ni Jennylyn. "Wala pong kinalaman doon si Cristine at hindi ko po tinanggihan si Robin. Pinag-usapan po namin ‘yon ng manager ko at ang naging desisyon namin, huwag ko na lang gawin. Mayroon pa naman po akong soap na ginagawa, ang La Vendetta na hanggang January 2008 pa mapapanood."
May nasulat noon na gusto na ring lumipat ni Jennylyn sa ABS-CBN. Hindi kaya ito ang dahilan kaya tumatanggi na siya sa offers sa kanya ng GMA-7?
"Hindi naman po," tanggi niya. "Hanggang next year pa ang contract ko sa GMA Artist Center. Pag-uusapan pa rin po naman namin ‘yon ng manager ko at ng GMA. Pero hindi ko po isinasara ang pintuan na puwede akong lumipat sa ABS-CBN."
Incidentally, magbabalik ang character ni Mark sa La Vendetta. Request daw ito ng mga fans nila na gusto silang mapanood muli na magkasama.
"Salamat po sa kanila," sambit ni Jennylyn. "Mayroon nga po kaming taping ni Mark mamayang gabi [November 28] sa Sta. Rita, Pampanga. Abangan na lang po nila ang eksenang ‘yon dahil very touching."
Magkasama rin sina Jennylyn at Mark papuntang Okinawa, Japan sa December 1 at babalik sila sa Pilipinas pagkalipas ng dalawang araw.
|
|
|
Post by WeLoveJen on Dec 11, 2007 23:14:34 GMT 8
Jennylyn Mercado is the latest FHM cover girl
Bong Godinez
Monday, December 10, 2007 02:57 PM
With her forthcoming sexy FHM cover, is young actress Jennylyn Mercado ready to do sexy roles?
"Hindi naman siguro," Jennylyn told Showbiz Central host Raymond Gutierrez, yesterday, December 9.
"Meron naman akong limitations for myself, for my career. Hindi ako basta-basta tumatanggap ng mga ganoong projects. Siyempre, titingnan ko muna kung okay ba ‘yon o masyadong sexy ba," added Jen.
As revealed during the interview, Jen recently did a photo shoot for the country's leading men's magazine, FHM, last November 29. Boyfriend Patrick Garcia was curiously absent during the shoot, thus making some wonder if Jen's beau disapproved her decision to do a sexy pictorial.
Jen explained Patrick's no-show. "November 29 'yon," she recalled vividly, "yon yung may nangyayari sa [Manila] Peninsula [hotel in Makati]."
Unfortunately, the long traffic jam caused by the standoff initiated by Senator Antonio Trillanes and his military comrades in the hotel takeover left Patrick along with other motorists stranded in their vehicles for hours.
"Noong time na ‘yon, nandoon na siya sa Mandaluyong. Papunta na siya sa pictorial para mag-visit. Hindi na siya nakarating kasi sobrang traffic," said Jen.
According to Jennylyn, the question of whether Patrick is a supportive partner or not is totally irrelevant in the face of such circumstances, which in the first place, was beyond Patrick's control.
"Very supportive si Patrick," defended the young actress without batting an eyelash. She brushed off speculations that the younger brother of Cheska Garcia is a control nut.
"Hindi niya gagawin ‘yon, yung pipigilan niya ako, ‘yong sa mga damit. Trabaho naman ‘yon, e, and alam naman niyang meron akong limitations for myself. Alam ko kung ano 'yong mga dapat kong gawin, siyempre, para irespeto din naman ng mga tao na makakakita noong magazine."
OVER THE BAKOD ISSUE. One of the issues that recently surfaced was Jen's alleged impending transfer to ABS-CBN from GMA-7.
Jen's contract with the Kapuso network will expire next year and talks are getting louder that the crossover is a certainty as early as now. With Jen's manager Becky Aguila falling from the good graces of GMA executives, many are convinced that the controversial talent manager is slowly collecting her wards to put them under ABS-CBN's roof. Becky's other talents Angel Locsin and Valerie Concepcion are now certified Kapamilyas.
When asked about the issue, Jen was honest enough not to give a definite reply.
"Ayoko naming isarado ang door ko pagdating sa mga ganyan," she said, pertaining to her rumored transfer. "Pero hindi. Sa ngayon, hindi pa, malabo pa muna."
But regardless whether there's a shade of truth or none with that, the StarStruck luminary assured her fans and perhaps even critics that she's happy with the way things are going lately for her career.
"After all the trials and everything, ngayon masasabi kong happy ako kasi, kumbaga, hindi naman ako napabayaan ngayon kasi meron naman mga shows—like La Vendetta and may ginagawa akong album," Jennylyn said in closing.
|
|
|
Post by WeLoveJen on Dec 11, 2007 23:18:11 GMT 8
The Big Switch: Jennylyn Mercado to ABS-CBN, Hero Angeles to GMA-7
Ruel Mendoza
Tuesday, December 4, 2007 10:51 AM
Kapag nagkataon, dalawang malaking "lipatan" ang magaganap sa susunod na taon kung saan dalawang artista-search winners ng ABS-CBN at GMA-7 ang balitang mag-o-ober da bakod—sina Hero Angeles at Jennylyn Mercado.
Si Hero ang kauna-unahang winner ng Star Circle Quest ng ABS-CBN samantalang si Jennylyn naman ang first Ultimate Female Survivor sa StarStruck ng GMA-7.
Malakas ang bulung-bulungan na pipirma na raw sa GMA Artist Center si Hero, samantalang si Jennylyn naman ay malaki ang posibilidad na lumipat na sa ABS-CBN pagkatapos ng kontrata niya sa Artist Center sa February 2008.
Mula sa isang tao na konektado sa GMA-7, napag-alaman ng PEP (Philippine Entertainment Portal) na nakahanda na raw ang pagpirma ni Hero bilang Kapuso talent. Ang nag-aasikaso raw ng napipintong pagpirma ng young actor sa GMA-7 ay walang iba kundi si German "Kuya Germs" Moreno na tumatayong consultant ngayon ni Hero.
Ang pinaka-exposure ni Hero ngayon sa GMA-7 ay ang Walang Tulugan With The Master Showman ni Kuya Germs at ilang guestings sa ibang shows ng Kapuso network. Noon pa man, nababanggit na ni Kuya Germs na bilib siya sa talento ni Hero at nanghihinayang siya na nawalan ito ng trabaho sa Dos.
Two years na rin na walang permanenteng trabaho si Hero sa showbiz since nagkaroon ng problema ang Dos sa kapatid nitong si Henry Angeles na tumatayong manager ng Star Circle Quest winner.
Ang ka-loveteam ni Hero na si Sandara Park ay wala na ring career sa Pilipinas. Nasa Korea na ito at sinusubukan ang kanyang kapalaran sa showbiz industry doon.
Samantala, hindi rin mamatay-matay ang isyu na lilipat na sa ABS-CBN si Jennylyn. Mula pa rin sa isang reliable source, sigurado na raw ang paglipat ni Jennylyn next year. Tatapusin na lang daw ng young actress ang mga natitirang commitments niya sa GMA-7 at handa na itong mag-ober da bakod.
Ayon sa aming source ay hindi na raw masaya si Jennylyn sa mga ibinibigay na projects sa kanya ng kanyang home network. Kabilang daw ang afternoon soap opera na My Only Love at ang pelikulang Batanes sa ikinakatampo ni Jennylyn dahil nawala ang mga ito sa kanya. Pati nga raw ang role niya sa La Vendetta bilang multo ay hindi raw niya nagugustuhan dahil pasulpot-sulpot na lang siya dito.
Lalo pang umigting ang balita na lilipat na nga si Jennylyn sa ABS-CBN nang magbitiw siya ng salita sa panayam niya sa PEP na hindi niya isinasara ang kanyang pintuan sa Kapamilya network.
Aniya, "Hanggang next year pa ang contract ko sa GMA Artist Center. Pag-uusapan pa rin po naman namin ‘yon ng manager ko at ng GMA. Pero hindi ko po isinasara ang pintuan na puwede akong lumipat sa ABS-CBN."
Ang pahayag na ito ni Jennylyn ay taliwas sa sinabi niya noon na hindi na siya magre-renew ng kontrata sa manager niya na si Becky Aguila kapag nag-expire na ito next year. Ilang beses din niyang sinabi na "loyal" siya sa GMA-7 dahil dito siya nakilala at sumikat.
Matatandaang nagkalamat ang relasyon ni Becky at ng GMA-7 management nang inilipat ng talent manager ang dating prized talent ng Kapuso network na si Angel Locsin sa ABS-CBN. Dahil dito ay nadamay ang iba pang mga alaga ni Becky na nasa GMA-7, partikular na si Jennylyn.
Sa ngayon, bukod kay Angel, halos lahat ng mga alaga ni Becky na dating nasa GMA-7 ay nasa ABS-CBN na gaya nina Valerie Concepcion at Charming Lagusad. Kaya hindi rin malayong sumunod sa kanila si Jennylyn.
|
|
|
Post by 61cm on Dec 12, 2007 0:07:27 GMT 8
TAKE IT TAKE IT Ni Lolit Solis Wednesday, December 12, 2007
Halatang hindi komportable si Jennylyn Mercado sa mga isinasagot nito kapag tinatanong siya kung true ang mga tsismis na mag-oober da bakod siya sa ABS CBN.
Hindi mamatay-matay ang tsismis kaya may duda ang mga baklita na sooner or later, magpapaalam din siya sa Kapuso network kesehodang hanggang sa 2009 pa ang kanyang kontrata.
Consistent si Jennylyn sa kanyang mga sagot na bukas ang pintuan niya sa anumang oportunidad na darating. Malakas ang duda ng mga baklita na may ibang plano si Jennylyn para sa kanyang sarili.
|
|
|
Post by WeLoveJen on Jan 2, 2008 1:11:25 GMT 8
Jen, ’di magri-renew sa GMAAC By: Vinia Vivar Hot 'n Spicy
KUNG naging matamlay ang huling kalagitnaan ng taong 2007 para kay Jennylyn Mercado for obvious reasons, wish niya na ngayong 2008 ay magkaroon na ito ng improvement. Sana raw, magkaroon siya ng maraming regular shows this year, movies, outside shows and TV commercials. Ever since naman talaga’y gusto ni Jen na parating busy at ’yung halos hindi na siya natutulog sa rami ng trabaho. Kahit nga nagkakasakit na siya, sige pa rin siya sa pagtatrabaho dahil kailangan niyang magsipag para sa kanyang pamilya. Hindi pa tapos ang problema ni Jen sa pagkakaipit sa gulo ng GMA-7 at ng kanyang manager na si Becky Aguila at hangad niya na sana ay matapos na ito. Matatapos na ang kontrata niya sa GMA Artists Center ngayong Pebrero at bagama’t may option to renew ang GMAAC, wala pa ring kasiguraduhan kung pipirma siya ulit.
* * *
|
|
|
Post by WeLoveJen on Jan 3, 2008 23:32:28 GMT 8
Jennylyn Mercado and Cristine Reyes -- Kapuso or Kapamilya?
Erwin Santiago
Thursday, January 3, 2008 01:21 PM
Parehong magtatapos sa February 2008 ang management contract ng StarStruck graduates na sina Jennylyn Mercado at Cristine Reyes sa GMA Artist Center. May option ang Artist Center para i-renew ang kontrata ng dalawang young actresses kaya walang silang choice kung papirmahin sila ulit ng kontrata kahit na may iba silang plano.
Pareho ring nababalita ang diumano'y paglipat nina Jennylyn at Cristine sa ABS-CBN.
JENNYLYN'S CASE. Si Jennylyn na lang ang natitirang alaga ng talent manager na si Becky Aguila sa GMA-7, pagkatapos magkalamat ang relasyon nito sa Kapuso network nang ilipat niya sa Kapamilya network si Angel Locsin. After Angel ay napunta na rin sa ABS-CBN ang iba pang mga alaga ni Becky gaya nina Valerie Concepcion, Charming Lagusad (Bakekang), at Ella Cruz (Super Twins).
Aminado naman si Jennylyn na naapektuhan nang husto ang career niya dahil sa alitan ng GMA-7 at ng kanyang manager. Wala naman siyang magawa dahil nakatali pa rin siya sa kontrata niya sa Artist Center.
Noong kainitan ng away ng GMA-7 at ng manager ni Jennylyn ay nagpahayag ang young actress ng sama ng loob kay Becky dahil pati raw siya ay nadadamay sa ginawa nitong desiyon na ilipat si Angel sa kabilang network. Nagpahayag din si Jennylyn na hindi na niya ire-renew ang kontrata niya kay Becky once na mag-expire ito at mananatili siyang loyal sa GMA-7.
Pero biglang nagbago ng pahayag si Jennylyn nang sabihin niyang hindi niya isinasara ang kanyang pintuan para sa ABS-CBN kapag natapos na ang kontrata niya sa Artist Center. May mga lumabas ding balita na hindi na masaya ang young actress sa mga proyektong ibinibigay sa kanya sa GMA-7, partikular na ang La Vendetta kung saan gumaganap siyang multo, na pasulpot-sulpot lang ang mga eksena.
Matatandaang nag-backout din si Jennylyn sa Joaquin Bordado na pagbibidahan ni Robin Padilla. Ayon sa mga lumabas na report, tinanggihan diumano ni Jennylyn ang naturang proyekto dahil lalabas na supporting roles ang gagampanan nila ng makakapareha niya sanang si Mark Herras. Balitang pinalitan na ni Ryza Cenon si Jennylyn.
Bagama't may mga usap-usapan pa ring lilipat si Jennylyn sa ABS-CBN, ang latest na balita ay pinapipirma na siya ng Artist Center ng panibagong kontrata. May bago rin siyang project sa GMA-7, ang TV remake ng Maging Akin Ka Lamang, kung saan ire-reprise niya ang role na unang ginampanan ni Dina Bonnevie. Makaksama ni Jennylyn dito ang real-life boyfriend niyang si Patrick Garcia, kasama sina Carlo Aquino at Isabel Oli.
So, tiyak nang Kapuso pa rin si Jennylyn kahit na magtapos ang kontrata niya sa Artist Center ngayong Pebrero.
CRISTINE'S CASE. Samantala, si Cristine naman ay nagsisimula nang maging visible sa ABS-CBN kahit na wala siyang pahintulot mula sa Artist Center. Sumama si Cristine sa kapatid niyang si Ara Mina sa Guam last month nang mag-guest co-host ang huli sa Wowowee ni Willie Revillame, na nali-link ngayon kay Cristine.
Bagama't sinabi ni Cristine na sinamahan niya lang ang Ate Ara niya at hindi siya lalabas sa programa, napanood pa rin siya habang nakikipag-duet kay Willie. Depensa naman ni Ara, nakikipag-jamming lang daw ang kapatid niya sa TV host-comedian na malapit nilang kaibigan ni Cristine.
Dahil sa naging aksiyon ni Cristine, posible siyang sampahan ng kaso ng Artist Center dahil nakakontrata pa siya sa naturang talent arm ng GMA-7 hanggang sa susunod na buwan.
Nagsimula ang balitang lilipat na si Cristine sa Kapamilya nang tanggihan niya rin ang role na inaalok sa kanya sa Joaquin Bordado. Kinuha bilang kapalit niya ang isa pang StarStruck graduate na si Iwa Moto.
Then, nagbago na naman ang isip ni Cristine at tinanggap na niya ang Joaquin Bordado pagkatapos niyang itanggi ang kumalat na balita na magku-quit na siya sa showbiz. Pero ang pinakahuling balita ay tuluyan nang tinanggal si Cristine sa cast at si Iwa na talaga ang pumalit sa kanya.
Ngayon ay malakas ang bulung-bulungan na malaki ang posibilidad na mag-ober da bakod na siya sa ABS-CBN dahil madalas na siyang makita roon kasama si Willie. Sa isang panayam ng PEP (Philippine Entertainment Portal) kay Willie tungkol sa nababalitang relasyon nila ni Cristine, sinabi ng TV host-comedian na walang namamagitan sa kanila ng magna-19 years old pa lang na young actress bukod sa pagiging magkaibigan. Dagdag pa ni Willie, tinutulungan lang daw niya ang nakababatang kapatid ni Ara sa career nito.
Isa pang posibleng rason ng napipintong paglipat ni Cristine sa ABS-CBN ay dahil nandoon na rin ang Ate Ara niya. Nagsimula na kasing mag-taping si Ara para sa afternoon soap opera na Prinsesa ng Banyera.
Sa ngayon ay wala pang balita kung papipirmahin ulit ng Artist Center si Cristine, gaya ni Jennylyn, o pakakawalan na nila ang young sexy actress.
Ayon naman sa ilang showbiz insiders na nakausap ng PEP, hindi raw makakaapekto sa GMA-7 kung saka-sakali ang paglipat nina Jennylyn at Cristine. Kung si Angel Locsin nga raw na pinakamalaking female star ng Kapuso network noon ang nawala ay hindi sila naapektuhan, siguradong makakahanap din ang Kapuso network ng papalit sa iiwanang puwesto nina Jennylyn at Cristine sa hanay ng kanilang young female stars.
|
|