|
Post by WeLoveJen on May 12, 2008 1:32:55 GMT 8
Abante-Tonite Entertainment Abu Tilamzik
Napaluha si Jennylyn Mercado nang sinorpresa siya ng mga kasamahan niya sa Starstruck sa pa-birthday ng Startalk sa kanya nu’ng Sabado. Dumating sina Mark Herras, Yasmien Kurdi, Rainier Castillo, Dion Ignacio at Alvin Aragon.
Hindi pa rin nawawala ang magic ng loveteam nina Mark at Jennylyn base sa dami ng fans na sumugod sa studio para masaksihan ng pagkikita muli ng dalawa.
Iisa ang komento ng mga nakaobserba roon, na iba pa rin ang loveteam nina Mark at Jennylyn.
Nandiyan pa rin ang kilig na parang may hope pa rin ang fans nila na sila pa rin ang magkatuluyan.
Kaya sinasabihan na silang pagkatapos manganak ni Jennylyn at kapag ready na itong bumalik sa trabaho, sana ay sila uli ni Mark ang magkapareha. Kinumpirma ni Jennylyn na baby boy ang kanyang ipinagbubuntis pero parang mas type daw niya baby girl. Happy na rin daw siya dahil healthy ang kanyang baby at lalong umo-okay raw ang pakiramdam niya kahit laging dumadaing siya sa sobrang bigat ng kanyang tiyan.
Hindi pa raw niya maisip kung ano ang ipapangalan sa kanyang baby. Ewan kung susundin pa rin ba niya ang dating plano niyang ipangalan ito sa daddy ni Patrick Garcia.
|
|
|
Post by WeLoveJen on May 17, 2008 5:45:14 GMT 8
JENNYLYN, GUSTONG MAGPASUSO Abante-Tonite Entertainment May 17, 2008 by: Abu Tilamzik
Nagkaroon ng baby shower para kay Jennylyn Mercado nu’ng Huwebes nang gabi.
Ilan sa namataan naming maagang dumating ay sina Yasmien Kurdi, Jake Cuenca at Ynah Asistio.
Binibilang na ni Jennylyn ang araw ng panganganak at habang papalapit ay lalo siyang nae-excite na makita ang kanyang baby boy.
Sa ngayon ay mas gusto niyang positive na ang lahat na iiniisip niya. Nagpalit uli siya ng cellphone number para wala na raw siyang matanggap na text messages na ikagagalit niya.
Ayaw na rin niya magbasa ng diyaryo at manood ng TV kung negative na isyu lang.
“Kailangan talaga, ganun. Kailangang ilayo muna sa mga taong pessimistic. Wala munang ganu’n, puro positive thinking muna, mga optimistic muna,” pahayag ni Jennylyn.
Pagkatapos manganak ni Jennylyn ay magpapayat siya at paghandaan ang pagbabalik niya sa pag-aartista.
Pero gusto niyang personal na alagaan ang kanyang anak, at balak niya ay i-breastfeed ito.
Sa ngayon ay nahihirapan na siya sa sobrang bigat ng tiyan niya at OA daw sa pagkalikot ang nasa kanyang sinapupunan.
Nagugulat na lang siya minsan na sumisipa iyong bigla. Wala pang final na line-up ng ninong at ninang pero tiyak na sa listahan sina Mark Herras, Rainier Castillo at Yasmien.
***
|
|
|
Post by WeLoveJen on May 19, 2008 3:50:12 GMT 8
People's Tonight By: Nitz Miralles
MATATAG na nga talaga si Jennylyn Mercado, dahil hindi ito umiyak sa birthday celebration niya sa SOP kahapon, kahit marami ang bumati sa kanya. Sabagay, sinabi na nitong ayaw na niyang umiyak para sa kanyang baby boy na isisilang sometime in September. Sa interview sa kanya sa Startalk, sinabi ni Jennylyn na two months siyang magpapahinga after niyang magsilang at bago bumalik sa showbiz. Balita namin, may trabaho nang inihahanda ang GMA-7 para sa kanya. Sa rami ng naiipong baby stuff ni Jennylyn sa sunud-sunod na baby shower na binibigay sa kanya, hindi na niya kakailanganing mamili ng gamit ng bata. Hihintayin na lang niyang lumabas ang baby. Nabasa pala naming gusto ni Patrick Garcia na narito siya ‘pag nanganak si Jennylyn, kaya lang, bawal siya sa delivery room. Ang alam namin, sina Becky Aguila (Jen’s manager), Mel Pulmano at ang PA niyang si Leng lang ang pinayagan ng actress na makapasok sa delivery room. Wala nga sa listahan ang adoptive mom niyang si Mommy Lydia at baka himatayin daw ito habang nanganganak ang anak.
|
|
|
Post by WeLoveJen on May 19, 2008 3:56:41 GMT 8
People's Taliba By: Chan-Chan Torres
* * *
Limang buwan na pala ang ipinagbubuntis ni Jennylyn Mercado, at going on her sixth month na ang aktres. Napanood namin sa Startalk ang ilan sa baby showers na inihanda para kay Jen. She looked every inch a dashing mom at hindi mai-pagkakailang exci-ted na siya sa paglabas ng kanyang anak. Baby boy daw ang nasa sinapupunan ni-ya at sabi ni Jen, may listahan na siya ng mga ninong at ninang para rito. Pero wala pa siyang napipiling name for the baby. Nabanggit din ni Jen na sobrang overwhelmed siya sa mga tumutulong ngayon sa kanila ng magiging anak. Kaya ba kaya ni-yang tiisin si Patrick Garcia na ama ng kanyang baby? Agad namang sinabi ni Jen na marami na raw nangyari kung kaya’t hindi naman ganoon kadali para sa kanya ang maging chummy muli sa aktor. Well, ayaw naming husgahan ang kuwento nina Patrick at Jen dahil at the end of the day silang dalawa lang ang siyang nakaa-alam kung ano ang totoo.
* * *
|
|
|
Post by WeLoveJen on Jun 1, 2008 0:11:55 GMT 8
Jennylyn Mercado having second thoughts about giving birth in U.S.Philippine Entertainment Portal Roldan Castro Saturday, May 31, 2008 03:35 PM Nagdadalawang-isip ang young actress na si Jennylyn Mercado kung tanggapin niya ang alok ng isang good Samaritan na sa Amerika siya manganak, all expensed paid. Gumulo ang desisyon ng nagdadalantaong na young actress nang marinig niya ang pahayag ng manager ni Patrick Garcia na si Arnold Vegafria via text sa radio program nina Cristy Fermin at Jobert Sucaldito. Ayon kasi sa manager ni Patrick, kamag-anak niya ang nasabing good Samaritan na gusting tulungan si Jennylyn. Si Patrick ang ama ng dinadala ni Jennylyn. Inalam naman ni Jennylyn kung totoong kamag-anak ni Arnold ang nagmamagandang-loob sa kanya na sa U.S. na manganak. Pero ang nakuha niyang sagot ay hindi raw ito kamag-anak ni Arnold. Best friend lang daw nito ang kapatid ni Arnold na nagngangalang Nancy. Hindi pa rin masyadong kumbinsido si Jennylyn kaya hanggang ngayon ay naguguluhan pa rin siya. Nakapagdesisyon na sana ang young actress na tanggapin ang offer ng good Samaritan, pero dahil dahil sa statement ni Arnold ay parang gusto na raw niyang mag-backout. Pero ikinunsidera rin ni Jennylyn ang advantages na maidudulot sa kanyang baby kung doon siya sa Amerika manganganak, partikular na ang pagiging U.S. citizen ng bata. Nag-react din si Jennylyn sa deklarasyon diumano ng nanay ni Patrick na gumagawa raw sila ng paraan para tulungan si Jennylyn sa pamamagitan ng ibang tao. Lalo pang nagulat si Jenny nang magsalita diumano ang ina ni Patrick na huwag daw mamalimos ang young actress at mag-sorry na lang daw ito sa ama ng kanyang anak. Para ayon naman kay Jennylyn, wala siyang dapat ihingi ng tawad at gusto niya ring linawin na hindi siya namamalimos. Although, ayaw na ng young actress na may masabi at masumbat pa sa kanya ang kampo ni Patrick kaya hangga't maari, ayaw na niyang magkaroon pa ng anumang kaugnayan sa ex-boyfriend.
|
|
|
Post by WeLoveJen on Jun 23, 2008 0:25:08 GMT 8
Jennylyn Mercado on the Garcia family's offer: "Hindi ko naman kailangan." Philippine Entertainment Portal Elyas Isabelo Salanga Sunday, June 22, 2008 05:25 PM
Startalk got the opportunity to talk to Jennylyn Mercado over the phone regarding her pregnancy and her reaction to the Garcia family's offer of giving her a helping hand. Startalk host Joey de Leon asked the question that almost every Jennylyn fan would've wanted to know: When exactly is Jennylyn giving birth?
"Last week of August," Jennylyn happily answered.
With that said, Joey immediately shifted to a more serious matter which involves of course, Patrick Garcia. He asked, "Ito, paulit-ulit na ito, pero umalis na naman si Patrick [abroad]? Kaaalis lang ba talaga ito papuntang Amerika?"
"Hindi ko alam, e," Jennylyn said, sounding a little frustrated. "Hindi ko po alam, Kuya Joey. Wala po talaga akong alam."
Does it mean she and Patrick have zero communication?
"Wala na po talaga," Jennylyn bluntly answered.
Joey then joked, "So, parang ang credit card, siya? Parang ayaw naman niya, ‘I don't own,' o ‘I own'?"
Jennylyn just laughed as Joey's intended joke hit home. Changing the subject, Joey asked, "Sa palagay mo na okey ka na magde-deliver, walang problema, nagpapa-checkup ka lagi?"
"Okey naman po, sana normal delivery," Jennylyn answered. After answering, Joey immediately followed up with a question regarding the sex of the child. To this, Jennylyn proudly answered, "Boy po, Kuya Joey!"
PATRICK'S FAMILY'S STATEMENT. PEP (Philippine Entertainment Portal) recently posted a news item on Patrick's camp's statement regarding their intention in helping out. Patrick's camp said, "Just knock on the door and we will open for you." What is her say on this?
"Hindi ko naman kailangan, e," Jennylyn laughed as Joey's expression changed from curiosity to complete surprise. "Bakit ko naman kailangang kumatok sa mga pintuan na hindi naman open para sa akin."
"Paano kung naka-‘open' na at hindi mo na kailangang mag-knock?" Joey suddenly asked. "Ayaw mo pa rin?" "Hindi na," Jennylyn said. "I think it's too late na for that. Ayoko na."
Well that's that. Before they wrapped up the interview, Joey asked on where Jennylyn plans to give birth. Here in the Philippines or abroad?
"Dito na po sa Pilipinas," Jennylyn said. "Hindi na din ako pinayagan ng OB ko na umalis, e. Masyado nang malaki ang tiyan ko."
|
|
|
Post by WeLoveJen on Jun 24, 2008 2:09:57 GMT 8
Jennylyn Mercado: "Kung may ibibigay ka, hindi mo naman kailangang i-broadcast." Philippine Entertainment Portal Rose Garcia Monday, June 23, 2008 01:02 PM
Sa wakas ay lumabas na sa Showbiz Central ang sinasabing Good Samaritan na nag-offer sa young actress na si Jennylyn Mercado na sa Amerika na lang siya manganak. Bagamat hindi nagpabanggit ng kanyang pangalan at iba pang identity sa kanyang pagkatao, may file video naman na ipinakita ang Showbiz Central na kuha sa isang show ni Jennylyn, kung saan may isang babae na bumati sa young actress.
Pinabulaanan ng Good Samaritan ang naging pahayag ng ina ni Patrick na si Mrs. Bing Garcia last Sunday, June 22, sa Showbiz Central din na kamag-anak siya ng manager ni Patrick na si Arnold Vegafria.
"I am a private person and I don't want any publicity. Just to clear up what Bing said last Sunday sa Showbiz Central, first of all, Bing mentioned that I am related to Arnold. That's not true.
"I am not related to Arnold. Arnold's sister happens to be my high school friend and we are like sisters. I only had good intentions when I offered her [Jennylyn] to give birth here and she never sweet talked me. She rejected my offer because she knows that giving birth in the U.S. would cost a lot of money.
"Lastly, I don't have anything against Patrick and Bing. I don't know them personally. I hope this issue has been cleared up because I don't want Jen to have a bad reputation due to this offer. I did not expect this situation to get blasted negatively all over TV."
THE OFFER. Pagkatapos nito ay nakapanayam naman ng Showbiz Central co-host na si John "Sweet" Lapus si Jennylyn. Sinagot na rin ng pregnant young actress ang naging pahayag ng ina ni Patrick last week, partikular na ang offer nilang tulong kay Jennylyn.
Ang unang tanong ni Sweet sa young actress ay kung bakit tinanggihan niya ang offer ng kanyang Good Samaritan na manganak sa U.S.
"Siyempre, thankful ako sa offer na yun. Pero mahirap kasi first time kong manganganak. ‘Tapos hindi ko pa kasama yung mom ko, hindi ko kasama yung family ko. Wala akong alam, lalo na at first baby ko ‘to, hindi pa ako marunong magbuhat ng baby. Maraming adjustment, so kailangan ko ang support ng family ko, ng friends ko around me.
"Kaya hindi ko rin natanggap ang offer. But of course, I wanna thank Tita Marlene [the name of the Good Samaritan] dahil yung sa offer na yun, sobrang-sobrang thank you na may mga tao pa pala na ganoon kababait. May mga natitira pa palang taong ganoon. So, I feel so blessed."
Ano naman ang reaction ni Jennylyn sa sinabi ni Mrs. Garcia na nandiyan pa rin ang offer nilang tulong sa dalaga, provided lang na sasabihin ni Jennylyn in public na kailangan niya at tinatanggap na niya ang naturang offer. Ayon sa ina Patrick, "Knock and the door shall be opened, ask and it shall be given to you."
Sagot naman ni Jennylyn, "Well, kasi, di ba, kung willing ka naman talagang tumulong, like si Tita Marlene, willing siyang tumulong without... Hindi naman ako nanghingi. Hindi naman ako nag-offer na parang, "Please, tulungan n'yo naman ako.' Kumbaga, kung willing ka naman talagang tumulong at bukal sa loob mong tumulong at magbibigay ka, ibibigay mo namang talaga nang bukal sa puso mo, di ba? Hindi kailangan yung manghingi pa.
"Siyempre, kumbaga, ama pa rin ng dinadala ko si Patrick. Pero kailangan magkaroon sila ng kusa. Ako naman kasi, nandito lang ako. Kasama ko rin ang pamilya ko. Tinutulungan din ako ng pamilya ko. So hindi naman ako namomroblema ngayon. Hindi ko naman kailangan ng kahit na anong tulong."
Kung sakaling magbigay nang kusa ang pamilya ni Patrick, tatanggapin ba ito ni Jennylyn?
"Well, siyempre, kung may ibibigay ka, hindi mo naman kailangang i-broadcast or hindi mo naman kailangang ipagmalaki sa lahat ng tao. Kung talagang gusto mong tumulong, ibibigay mo. Siyempre, hindi ko naman tatanggihan lahat ng mga tumutulong basta nasa lugar, at alam ko na tama at wala namang masama, di ba?" pahayag ng young actress.
Sinabi rin ni Jennylyn na walang problema sa aspetong pinansiyal kaugnay ng kanyang panganganak.
"Yes of course, pinaghandaan namin ‘yan. Pinaghandaan ko at ng pamilya ko. Ina-assure ko sa kanila na siyempre, mabibigyan ko ng magandang future ang bata, yung magiging anak ko," diin ni Jennylyn.
|
|
|
Post by WeLoveJen on Jun 24, 2008 2:14:16 GMT 8
Becky sa nanay ni Patrick: ‘Tantanan mo si Jen!’ People's Tonight By: Vinia Vivar
Kahit hindi taga-showbiz, napilitang lumabas ang Good Samaritan ni Jennylyn Mercado para pabulaanan ang sinabi ng nanay ni Patrick Garcia na si Bing Garcia sa nakaraang panayam nito. Heto ang eksaktong text message ni Marlene na ayaw nang ipabanggit pa ang tunay na pangalan: “I am a private person and I don’t want any publicity nor get involved in any controversy between Jen and Patrick or between Jen, Bing and Arnold (Vegafria, manager ni Patrick). “Just to clear up what Bing said last Saturday (Sunday ang tama) in Showbiz Central, first of all, Bing mentioned that I’m related to Arnold but that’s not true. I am not blood related with Arnold nor close relative. “Arnold’s sister happened to be my high school friend. We are like sisters. Don’t get me wrong, I hope we are blood related because they are good people. “Patrick’s mom said that Jen sweet-talked me into offering her to give birth here in the U.S. which is not true either. “Is Bing insulting me? I only had good intentions when I offered Jen to give birth here and she never sweet-talked me. “She rejected my offer because she knows giving birth here in the U.S. is a lot of money. She doesn’t want me to spend a lot of money for her. “Lastly, I don’t have anything against with Patrick and Bing. I don’t know them personally. I hope this issue has been cleared up because I don’t want Jen to have a bad reputation. I did not expect this situation to get blasted negatively all over TV.” Samantala, sa sinabi ni Mrs. Garcia na willing siyang bigyan ng tulong si Jen basta sabihin lang daw in public na kailangan niya ng tulong. Walang dapat ipag-alala ang nanay ni Patrick dahil walang balak humingi ng tulong sa kanya ang young actress. Ayon naman sa manager ni Jen na si Becky Aguila, kung tutuusin ay hindi dapat nakaririnig ng ganu’ng salita mula sa nanay ni Patrick. “Apo niya ang isisilang ni Jen na ang anak din niya ang may kagagawan kaya sana, please lang, kung wala siyang masasabing maganda, tantanan na niya si Jen,” pahayag ni Tita Becky.
|
|
|
Post by WeLoveJen on Jun 30, 2008 0:22:11 GMT 8
Jennylyn sobrang kawawa People's Taliba By: Ed De Leon
* * * NARINIG namin ang interview kay Jennylyn Mercado sa phone tungkol sa kanyang panganganak. Sinabi niyang kahit na papaano ay napaghandaan naman niya ang kanyang panganganak kaya sigurado naman siyang may magagastos naman siya para rito. Pero kung may magbibigay daw ng tulong, at nasa ayos naman, tatanggapin niya ito. Pero parang hindi siya pabor doon sa sinasabing kailangang aminin niya sa publiko na kailangan niya ang tulong na tinanggihan niya noon para tumulong lang sa panganganak niya ang tatay ng kanyang anak na si Patrick Garcia. Sa totoo lang, parang nakakaawa naman si Jennylyn. Isipin ninyo, kailangan pa niyang manghingi ng tulong para siya tulungan, na kung tutuusin naman ay obligasyong moral ni Patrick. Bakit naman ganoon pa ang kundisyon? * * *
|
|
|
Post by WeLoveJen on Jun 30, 2008 0:32:09 GMT 8
Baby boy ni Jen, suhi! People's Tonight By: Vinia Vivar
* * * SUHI pala ang baby boy ni Jennylyn Mercado at kung hindi ito maikokorek ay maaaring ma-caesarian siya. Kapag sinabing suhi, ang paa ng baby ang nauunang lumabas sa halip na ang ulo. That’s why mahihirapan si Jen na ilabas ito kaya mas advisable ang Caesarian section. Pero puwede pa raw itong makorek, ayon sa OB-gyne ng young actress. She was adviced na mag-swimming araw-araw para umikot ang posisyon ng bata. That way, magsu-swimming din daw ang baby sa loob ng kanyang tiyan, kaya puwedeng mabaligtad ang posisyon. Kung ano raw kasi ang ginagawa ng ina, siya ring ginagawa ng baby sa loob ng tiyan. Also, pinayuhan din si Jen na iwasan muna ang pagda-drive ng kotse. Late August or early September nakatakdang manganak ang young actress-singer.
|
|